Privatizim, jo koncesion!

Transferimi i Aeroportit Ndërkombëtar të Prishtinës – Adem Jashari nga menaxhimi socialist në atë privat mund t’i ketë gëzuar simpatizuesit e tregut të lirë në Kosovë, por pas kësaj marrëveshje fshihen disa të vërteta shumë të hidhura. Në tentim për ta larguar Aeroportin nga menaxhimi katastrofal, Qeveria e Kosovës e gjeti një alternativë nga e cila edhe do të kishte të hyra buxhetore edhe do t’i shmangej pluhurit që do të ngrihej sikur Aeroporti të privatizohej plotësisht. Në këmbim të 39.42% të të ardhurave bruto dhe disa parakushteve për investime, ajo i dha konzorciumit turko-francez Limak-Aeroports de Lyon të drejtën e menaxhimit të Aeroportit me koncesion. Ekzistojnë tri arsyeje kyçe pse kjo ujdi e re nuk do të sjellë përmirësimet optimale në Aeroport.

Continue reading “Privatizim, jo koncesion!”

Cili është shkaktari i rritjeve të çmimeve rishtazi?

Rritja e çmimeve të disa produkteve rishtazi i ka shtyre analistët të sugjerojnë që Kosovën e ka përfshirë një valë e “inflacionit”. Produktet, çmimet e të cilave janë ngritur, janë mielli, sheqeri dhe yndyrat—të gjitha këto bazë për prodhimin e produkteve ushqimore. Analistët gjithashtu i kanë parashtruar tri shpjegime për këtë rritje dhe duke qenë se shporta e konsumatorit përbën një grup esencial të produkteve për qytetarin e rëndomtë, bëhet e rëndësishme që këto shpjegime të analizohen.

Continue reading “Cili është shkaktari i rritjeve të çmimeve rishtazi?”

Rritja e TVSh-së: goditje tjetër ndaj ekonomisë së Kosovës

Vendimi i Qeverisë së Kosovës për ta rritur Tatimin mbi Vlerën e Shtuar prej 16% në 19% përbën një goditje tjetër të fortë kundër ekonomisë së Kosovës. Efektet e një politike të tillë janë të shumta dhe i dëmtojnë qytetarët e Kosovës në kapacitetin e konsumatorit si dhe atë të prodhuesit. Këtë hap e kanë kritikuar edhe Oda Ekonomike e Kosovës (OEK) bashkë me Odën Ekonomike Amerikane të Kosovës (OEAK), duke thënë ndër të tjera që rritja e TVSh-së e dëmton “shportën e konsumatorit kosovar, e cila dita ditës është më e vogël”.

Continue reading “Rritja e TVSh-së: goditje tjetër ndaj ekonomisë së Kosovës”

Për një politikë monetare racionale

Etjon Basha

Thelbi i ekonomisë bashkëkohore

Paraja është thelbi i sistemit ekonomik bashkëkohor. Pa mirëfunksionimin e sistemit monetar një ekonomi do degradonte në nivelin e shoqërisë neolitike brenda një kohe të shkurtër. Shumica dërmuese e popullsisë njerëzore do vdiste urie nëse nesër sistemi monetar global do shkatërrohej. Nëse ndonjë ekonomist vë në dyshim kaq gjë, dëshmon veç se ç’kuptim të vakët ka për ekonominë.

Continue reading “Për një politikë monetare racionale”

Kundër hyrjës në Bashkimin Evropian

Bardhyl Salihu

Hyrje

Në Kosovë, ashtu si në Shqipëri dhe në vendet fqinje, shumica dërrmuese e shohin hyrjen në Bashkimin Evropian (BE) jo vetëm si cakun më madhështor të Qeverive tyre por si një privilegj të veçantë. Edhe pse ende vite larg cakut, ata mendojnë që hyrja në BE do t’i përmirësoj të gjitha problemet politike e ekonomike dhe mbi të gjitha do ta mundësonte lëvizjen e lirë. Duke u ushqyer në këtë paradigmë popullore, të gjitha partitë anembanë spektrit politik nuk pushojnë së theksuari rrugën drejt BE-së. Përveç kundërshtimit nominal që e shfaqi një pjesë e qytetarëve në Kroaci, askund tjetër në rajon nuk mund të gjendet ndonjë lëvizje apo parti me pikëpamje Euroskeptike.

Continue reading “Kundër hyrjës në Bashkimin Evropian”